Sado larg qe ju te shkoni, mos harroni: Shqiperine ta kujtoni!

Pavarsia e Kosoves!

2005-10-14T09:52:00.000-07:00

Nuk jam shume diplomat dhe nuk pretendoj te kuptoj te gjitha deklaratat e bera nga diplomatet e politikes shqiptare, por me kane rene ne sy ditet e fundit, diskutimi mbi ceshtjen e pavarsise se Kosoves. Po pergatiten te fillojne bisedimet e para serioze qe kane te bejne me pavarsine e krahines me veriore te Shqiperise dhe si cdo problem delikat dhe kjo ceshtje mbart nje ngarkese te madhe pergjegjesie. Personalisht jam per pavarsi te plote te Kosoves! Nuk e kuptoj as nga ligjore, as nga na morale dhe as nga ana patriotike tezen e nje pavarsie te kushtezuar per Kosoven. Kete variant e shprehu dhe ministri yne i jashtem, z. Besnik Mustafaj ne OKB! Me pas, (por ndoshta edhe me pare) disa diplomate te tjere u shprehen per kete lloj pavarsie! Me sa di une, jemi te paret, pas serbeve qe shprehemi per nje kushtezim te lirise se kosovareve dhe per kete ministria e jashtme nuk jep asnje sqarim te plote! Besoj se eshte ne nderin e politikes sone te jashtme, te qeverise dhe te ministrit te jashtem te dalin dhe te sqarojne opsionet qe ata shprehin ne emer te popullit shqiptar. Pervec gazetave, qe marrin persiper te sqarojne kete teze nuk kam gjetur informacion tjeter! Gazetat shqiptare e justifikojne kete deklarate me faktin se keshtu eshte shprehur dhe Amerika, keshtu eshte shprehur dhe Europa dhe prandaj ministri yne i jashtem eshte i detyruar te deklaroje qe eshte dakord me kete lloj pavarsie. Por a nuk duhet qe ministri i jashtem i shqiptareve te llogarise ne rradhe te pare cfare duan vete ata qe luftuan per kete dite, te pyese gjakun e deshmoreve te rene ne Kosove, nese ata u vrane per nje pavarsi te pazar-zuar apo per nje shtet te pavarur a te bashkuar me vendin-ame? Te vihesh kundra Amerikes dhe Europes njekohsishsht eshte nje gabim diplomatik, por te shprehesh respekt per vellezerit e tu qe derdhen gjak, besoj se eshte nje gabim qe te gjithe shqiptaret jane gati ta kuptojne dhe te paguajne cmimin e duhur, nese do te jete nevoja! P.S Kjo teme, ndoshta dhe si shume te tjera eshte nje ftese per diskutim dhe nuk paraqet domosdoshmerisht mendimet e mija te plota per kete problem!

Pse jam krenar qe jam shqiptar?

2005-10-03T06:18:00.000-07:00

Mendoj se po te pyesesh kedo shqiptar ne eshte krenar per Shqiperine, pergjigja do te jete: Po! Ka dhe nga ata qe sot e shohin veten me shume grek, italian, amerikan apo gjerman sesa shqiptar, por nuk dua te flas per ta! Sot po postoj mendimet e mija mbi krenarine e shqiptareve per vendin e tyre. Personalisht me duket normale qe shqiptaret te jene krenare per vendin e tyre, pavarsisht se Shqiperia po kalon nje periuhde jo shume te ndritur te historise se saj! Sado e keqe te jete situata, ne nuk do ta shajme asnjehere atdheun tone dhe kur me them kete me kujtohet ajo fjala e vjeter: Sado e keqe te jete nena ime nuk mund ta shaj, pasi ajo eshte thjesht nena ime!

Gjysmen e dyte te shekullit te kaluar filluam te kemi nje ndjenje me te forte krenarie dhe per vete faktin se shqiptaret filluan te njihen me gjere me kulturen dhe historine e tyre, prandaj dhe sot, ne menyre teper normale jemi krenare per Skenderbeun, Vrana Kontin, Marlin Barletin, Isa Boletin, Naum Veqilharxhin, Fan Nolin etj. Po te shohesh sot dy adoleshente, njeri shqiptar e tjetri i huaj, nje nga pikat qe do te kene ata te perbashket per te diskutuar do te jete ndoshta dhe krenaria kombtare. I huaji do te pyese: E cfare keni ju ne Shqiperi qe ju ben kaq krenare? Shqiptari, duke mos e pasur aspak mendjen tek historia apo sasia e kromit qe kemi nxjerre prej vitesh nga nentoka jone dhe me te cilen jemi krenuar per me shume se 25 vjet, do te thote: Kemi futbollista te mire! Kemi Iglin Taren qe fiton x mijra euro, kemi Bogdanin qe fiton y mijra euro, kemi Canen qe luan per Marsejen, kemi Skelen qe fiton z mijra euro! Dhe shqiptari i thote me aq krenari shumat e parave qe fitojne futbollistet shqiptare neper Europe (thua merr dhe ai ndonje perqindje nga keto para dhe qe do e ndihmojne te ushqeje veten apo familjen) saqe me te vertete e le te huajin pak te habitur, por ne fund te fundit kjo eshte menyra e te qenit krenar e nje adoleshenti shqiptar! Sot ne mengjes pyeta veten nese jam krenar per veten time dhe nese jam krenar per Shqiperine! U pergjigja ashtu sic me erdhi ne ato momente, por nuk munda te beja nje lidhje mes te dy pergjigjeve: jam krenar per veten time dhe jam krenar per Shqiperine sikur nuk kishin (fatkeqsisht) shume te perbashketa. Ndoshta sepse nuk bej shume per vendin tim...ndoshta sepse cfare bej per veten nuk ka shume lidhje me Shqiperine... Mendova se ne jemi krenare per te kaluaren tone, per futbollistet tane qe luajne ne Europe, por nuk e di pse nuk gjeta dicka qe te kem bere une per Shqiperine dhe per te cilen te jem krenar. Mora si zakonisht nje mik ne telefon! Ai ma preu dhe me shkurt duke me futur akoma me shume ne mjegull: Nuk eshte problemi se c'bejme ne per Shqiperine me tha, por cfare ben Shqiperia per ne. E kisha degjuar dhe me pare kete thenie te shtremberuar te nje ish-presidenti amerikan, por nuk isha bere asnjehere lidhje me Shqiperine. Besoj se ne keto momente, ne keto vitet te fundit, por edhe ne ato qe do vijne problemi duhet shtruar cfare bejme ne per Shqiperine dhe a jemi me te vertete krenare per vendin tone. Ne e dime qe vendi yne ka kaluar shume situata te veshtira te cilat vetem ne, shqiptaret u kemi dhene zgjidhje, prandaj edhe sot mendoj se jemi ne ata qe duhet ta ndihmojme Shqiperine duke bere dicka sado te vogel per te. Nuk eshte koha te presim te rilindin Fan Nol-a apo heronj te tjere! Mendoj se eshte koha te jemi krenare dhe te pyesim veten: Cfare bej une per Shqiperine?

E rreh apo nuk e rreh?

2005-09-23T11:55:00.000-07:00

E rreh apo nuk e rreh? E rreh sa e vdes fare! Keshtu pergjigjet sot shoqeria shqiptare ndaj dhunes qe ushtrohet ne familje, ndaj gruas, ne rruge, ndaj femijve apo edhe mes te rriturve te te njejtit seks. Mbreme pashe nje emision ne nje kanal te huaj, ku rregjia kryente nje eksperiment. Ne nje park normal, mestarisht te populluar, nje djale dhe nje vajze rrinin ne nje stol. Ne nje moment te caktuar, kur dikush ishte duke iu afruar ciftit, djali ngrihej dhe fillonte dhe i uleriste femres dhe madje fillonte dhe ta godiste. Shume prej njerzve qe kalonin afer ciftit hidhnin hapat me shpejt per t'u larguar nga kjo ngjarje e pahijshme, shume te te tjere ndalonin dhe i terhiqnin vemendjen djalit se cfare po bente ai ishte e pahijshme! Disa te tjere, u detyruan te perdornin dhe forcen duke e ndaluar djalin te godiste femren. Emisioni zhvillohej ne nje nga ato vende perendimore qe ne kemi rreth 15 vjet qe perpiqemi ta imitojme, por qe mbreme e kuptova fare mire se i kemi imituar vetem te keqiat dhe gjerat me pa vlere. Ne gazetat e sotme, lexova dhe 4 raste te tjera te dhunes ne familje...rrahje, plagosje dhe veteplagosje, ofendime dhe poshterime nga me te ndryshmet...por fare pak (ose aspak) mbahej qendrim ndaj ketyre akteve. Si duket, gazetat mjaftohen vetem me permendjen e rastit dhe kenaqen me faktin qe kronikat e tyre mbushen me lajme te perditshme, te cilat jane te garantuara duke patur parasysh konstruktin e shoqerise shqiptare... Duke pare emisionin, telefonova nje mik dhe e pyeta se c'mendim kishte ai nese ne Shqiperi, ne nje park, nje mashkull do te rrihte nje femer apo thjesht do te kishte nje zenke (nuk ka rendesi midis kujt) ku do te kishte dhe dhune fizike. Qeshi! Qeshi dhe me tha se ndoshta njerzit do te mblidheshin perreth dhe do te rrinin te shikonin se si vazhdonte druri. Personalisht, nuk me duket se shqiptaret do te benin keshtu. Mendoj se nuk do te mblidheshin e do te rrinin te shikonin se si rrihet nje femer, nje femije apo nje qenie tjeter me e dobet...mendoj se njerzit do te vazhdonin rrugen e tyre, pa nderhyre dhe pa reaguar. Kur them pa reaguar jam pak me i sigurt. Isha sot ne mengjes me i sigurt, do te jem dhe neser po kaq i sigurt, kur do te lexoj gazetat shqiptare dhe te shoh kronikat e radhes, ku dhimbja dhe injoranca e nje shoqerie jane te mira dhe te mjaftusheme vetem per t'u nxjerre ne shitje e per te mbushur xhepat e pronareve te mediave.

Mark Twain dhe shqiptaret!

2005-09-20T07:53:00.000-07:00

Mark Twain, ne fakt, nuk ka asnje lidhje me Shqiperine apo me shqiptaret! Ne kohen kur ai shkruante ne ishim duke u marre me alfabetin dhe duke pergatitur rilindjen shqiptare. Sot, tek po diskutoja me nje bashkekombas timin, m'u kujtua nje nga theniet e Mark-ut: "Ne shumicen e rasteve, kur flas me zonja, qe jane admiruese te krijimtarise sime, nuk u jap fare rendesi fjaleve qe nxjerr nga goja, pasi jam i sigurte qe nuk me degjojne! Ato, si edhe shumica e njerzve, nuk degjojne bashkefolesin, por pergatiten e mendojne se cfare do te thone me pas". Sot ne te vertete pata nje diskutim me me shume pjesemarres dhe e cuditshmja, edhe pse jemi njerez te shkolluar e qe e mbajme veten si te pergatitur per te cuar deri ne fund nje diskutim frytdhenes, na u deshen disa ore qe te ndaheshim me koken ulur a me qejfmbetje. Diskutuam ashtu sic e kemi zakon ne shiptaret: Ne fillim e morem shtruar, me fjale te zgjedhura per te lene mbresen se jemi shume ne thelb te muhabetit dhe qe kemi njohje te mjaftueshme ne lidhje me temen. Me pas, kur e pame se mendimet e cdo njerit prej diskutuesve nuk po merreshin parsysh nga te tjeret, filluam te ngrinim zerin, t'i binim tavolines me grusht, filluam te "perkedhelnim" njeri-tjetrin me fjalet e embla qe kane vend zakonisht ne ambjetet komunikative shqiptare si: gomar, i trashe, idiot, trap, ia ke futur kot, nuk di cfare flet, nga e nxorre kete, etj. Nje nga diskutuesit tane guxoi te citonte nje liber te njohur per te gjithe ne dhe kete e beri per te mbrojtur idene e tij, por ishte teper vone. Tashme ne kishim veshur rroben "e kompentetit" dhe nuk kishim me nevoje per citime nga "libra pa vlere". Diskutimi perfundoi kendeshem, ku megjithese pati ngritje dhe ulje nervash (ulja me shume nga filxhanet e salepit qe pinim) seicili arriti te shprehe mendimin e tij. Arritem ne konkluzionin se te gjithe kishim mendime shume te vlefshme dhe largpamese, por qe per kete rast (?!?) nuk perputheshin me mendimet e ndokujt tjeter qe mori pjese ne bisede. Prandaj, kur po ikja ne shtepi m'u kujtua ajo thenia e Mark Twain-it per zonjezat e tij. E mira eshte se ne nuk jemi zonjeza mendjelehta qe e lene veten te joishura nga burra te pashem si Mark-u. Ne jemi BURRA qe e dime cfare duam dhe e cojme deri ne fund ate qe deshirojme. Ketu ngeca....pikerisht tek pershkrimi i asaj cfare jemi, por gjendjen e kalova lehtesisht se me erdhi ndermend me e thjeshta: Ne jemi kompetente per cdo gje...

Udheheqja e shqiptareve!

2005-09-12T06:32:00.000-07:00

Ndonjehere kam pershtypjen se ne shqiptaret i presim zgjedhjet po me aq padurim sa presim dhe Kampionatin Boteror te Futbollit! Mezi presim ndeshjet ne grupe, dhe fazat e tjera, duke kulminuar me gjysem-finalet dhe me pas me finalen! Kur i vjen fundi, mbildhemi te gjithe neper shtepira e lokale dhe fillojme, me nga nje gote perpara te bertasim e ulerasim per favoritet tane, pavarsisht se ne kampionatet boterore ne nuk jemi perfaqesuar asnjehere! Thjesht bertasim per te tjeret! Mbase gaboj kur shikoj ngjashmeri midis kampionatit boteror te futbollit dhe zgjedhjeve elektorale politike ne Shqiperi. Por a nuk zhvillohen te dyja keto aktivitete cdo kater vjet (ne i bejme dhe me shpesh dhe jo gjithmone duke respektuar rregullat, por c'rendesi ka)? A nuk fillojme e brohorasim (ulerasim dhe bertasim) per favoritet tane, pavarsisht se ata nuk na perfaqesojne? A nuk fillojme ne te veshim bluzen e fituesit menjehere mengjesin e pare te pas zgjedhjeve/kampionatit? 8 vitet e fundit zgjedhjet i fitoi Partia Socialiste e udhehequr nga Fatos Nano! Kjo parti u drejtua sipas mendimeve personale dhe interesave te nje ekipi servilesh dhe interesaxhinjsh qe rrethuan "trajnerin" Fatos Nano. Ekipi qe e rrethonte ishte thjesht nje ekip figurantesh ne politike, te cilet nuk benin gje tjeter, vecse ishin gati te gjuanin ndonje penallti te fituar nga Fatos Nano! Dhe kete penallti do e gjuanin kur te donte kryetari (apo e shoqja e tij ndonejhere). Tani, pas 8 vitesh lodhjeje nga korrupsioni (nuk kam degjuar qe te lodhet njeri nga korrupsioni), populli vendosi te ndryshoje udheheqjen e tij. Thane: Ky sistem krijoi shume te pakenaqur! Ne c'drejtim dhe se si i krijoi nuk jam shumi i qarte, ose bej sikur nuk e di! Bej sikur nuk e di sepse me kujtohet nje proverb qe thote: Sistemi krijohet nga njerzit, pastaj ai (sistemi) fillon dhe u jep njerzeve formen e tij. Pritem 8 vjet qe te therrsinim per te na udhehequr Sali Berishen. Tempulli i demokracise shqiptare! Keshtu eshte vetequajtur dhe keshtu e kane quajtur shume politikane (te njejte me ata te ekipit te futbollit te siper permendur) udheqesin e Partise Demokratike, i cili pas nje deshtimi te kobshem, po perpiqet me te njejten menyre te udheqe perseri. Ka 8 vite (te pakten) qe PD udhehiqet sipas mendime personale dhe vetos se Sali Berishes. Ka 8 vite qe PD organizon kongrese shume me te bukura se ato te PS-se, por te gjitha ndeshjet fatkeqsisht kane qene te stabilizuara si kompromis qe perpara zhvillimit e tyre: Kampioni i radhes dihej qe perpara fershellimes se bilbilit. Kampionatet boterore te futbollit kane filluar te zhvillohen per here te pare me 1930. Ndersa ne kemi nxjerre udheheqes prej shekujsh. I pari me emer, ka qene Gjergj Katrioti. Jam krenar per te dhe per cfare ka bere ai per Arberine! Jam krenar qe ai eshte shqiptar dhe qe ka shkruar nje histori te arte per ne brezat ne vazhdim, por pyes veten, valle dhe ai ekipin e tij, keshtu e ndertonte, me shpate ne dore dhe me kongrese/kampionate ku fituesi dihej qe perpara fillimit. Valle Ismali Qemali, Fan Noli apo ndoshta dhe ndonje tjeter keshtu organizoheshin? Shqiperia, nuk ka shanse per t'u kualifkuar ne kete kampionat te radhes se botes ne futboll. Por e di qe te gjithe kemi filluar te bertasim per ekipin "tone" favorit. Por valle c'do te ndodhe atehere kur ne kampionat do te shkoje nje ekip qe te na perfaqesoje? Si e sa do te bertasim e ulerasim ne atehere kur zgjedhjet t'i fitoje dikush qe fiton, udheheq dhe drejton sipas mendjes, nevojave dhe kerkesave te popullit te tij? Besoj se do te ngjiremi. Pritem 8 vjet per te fituar pjesemarrjen ne nje kampionat dhe perseri kemi te njejtin ekip. Kam frike se do eliminohemi prape, por besoj se trajneri (populli) rradhes tjeter do te mendoje te zgjedhe nje 11-ce (dhe jo nje kryetar pa ide) ku te gjithe te derdhin djersen qe shqiptaret te kualifikohen ne nje kampionat. Dhe kjo eshte nje gje qe trajenri (populli) duhet ta beje medoemos, pas ne jemi tifoze te zjarrte qe kemi te pakten 15 vjet qe enderrojme, enderrojme, enderrojme.....

Himni i Shqiperise!

2005-09-07T12:31:00.000-07:00

Te shtunen e kaluar pashe ndeshjen midis kombetares shqiptare dhe asaj te Kazakistanit. Me pak tangerllek dhe fat arritem te fitonim 2-1, por sipas meje, rezultat qe edhe me ndeshjet qe vijne na rrezikon ne zbresim ne vendin e parafundit. Nejse, kjo nuk eshte teme sportive. Dua te shkruaj dicka mbi himnin tone kombtar, qe jo vetem futbollistet e kombares sone nuk e dine, por ma merr mendja dhe nje pjese e madhe e shqiptareve. Sipas Kushtetutes se Republikes se Shqiperise, himni yne eshte poezia e Aleksader Stavre Drenoves (ASDRENI) dhe me muzike te Ciprian Porumbescu-t, muzikant nga Cluj-Napoca e Rumanise. Himni yne ka pasur disa variante te poezise origjinale te Asdrenit, ndersa muzika ka qene gjithmone e pandryshueshme. Me poshte po vendos tekstit e himnit te Shqiperise, te cilit i referohet dhe Kushtetuta e sotme shqiptare dhe qe njihet si himni zyrtar i Shqiperise. Vizitoni www.president.al , per me shume informacion:

HIMNI I SHQIPERISE Rreth flamurit te perbashkuar, me nje deshire me nje qellim Te gjithe Atij duke u betuar; te lidhim besen per shpetim Prej lufte ai largohet qe eshte lindur tradhetor, Kush eshte burre nuk friksohet por vdes, por vdes si nje deshmor. Ne dore armet do ti mbajme te mbrojme atdheun ne cdo vend, te drejtat tona ne si ndajme ketu armiqte s'kane vend. Se Zoti vet e tha me goje qe kombe shuhen permbi dhe po Shqiperia do te rroje per te , per te luftojme ne. POEZIA ORIGJINALE E BOTUAR NGA ASDRENI! Se pari kjo poezi u botua ne Sofie ne Bullgarise dhe me pas ne Bukuresht te Rumanise. Rreth flamurit te përbashkuar me një dëshire dhe një qëllim Të gjith atje duk' ju betuar Të lidhim besën për shpëtim Prej lufte vec ay largohet Që është lindur tradhëtor Kush është burrë nuk frikohet po vdes, po vdes si një dëshmor Në dorë armët t'i mbajmë Të mbrojmë atdhenë në çdo kënt, Të drejtat tona ne s'i ndajmë; Këtu armikët s'kanë vënt Se zoti vetë e tha me gojë Që kombet shuhen përmi dhé Po Shqipëria do të rojë: për të, për të luftojmë ne! O flamur, flamur shënj' e shënjtë Te ty betohemi këtu, Për Shqipërin' atdhen' e shtrenjtë Për nder edhe lavdimn' e tu. Trim burrë quhet dhe nderohet Atdheut kush iu bë therror Për jet ay do të kujtohet Mi dhet, mi dhet si një shenjtor

HELP AMERICA!

2005-09-03T18:12:00.000-07:00

Cfare po shpreh ne kete shkrim mendoj se nuk paraqet gjendjen reale te shoqerise shqiptare, por keto probleme takohen dhe perbejne nje plage, per momentin te vogel, por qe rrezikon te qelbezohet!

Komunikoj perdite me njerez qe i perkasin kategorive te ndryshme njerezish dhe mes te tjerash kemi diskutuar mbi fatkeqesine natyrore qe ka rene mbi New Orleans.

Disa jane shprehuar mbi vonesen e vajtjes se George Bush-it prane te pastreheve te ketij qyteti. E kane gjykuar si indeference te qellimshme nga ana e tij, pasi popullsia me ngjyre e Sh.B.A nuk i dha aq vota sa duhej ne zgjedhjet e 2004.

Disa jane shprehur se kjo eshte nje fatkeqsi e ardhur nga Zoti per Sh.B.A. Sipas tyre Zoti ka pare cdo gje qe kane bere amerikanet ne keto vitet e fundit dhe po i ndeshkon me vuajtje. Amerikanet jane thjesht qe popull mekatar qe duhet te vuajne.

Disa jane shprehur: Mire t’u behet! Boll vrane njerez te pafajshem ne Irak e neper vendet e tjera! Boll me sundimin tyre politik, ushtarak dhe ekonomik ne mbare boten. Sot eshte koha qe besime dhe fuqi te tjera te udheheqin boten.

Disa kane rene ne llumin e injorances fetare per te zbuluar nese viktimat jane myslymane a te krishtere.

Shume pak (ndoshta nje a dy persona) jane shprehur me keqardhje mbi kete fatkeqesi! Ata mendojne se nuk duhet menduar fare se kush jane keta hallexhinj, nga kush vend vijne e nga kush qeveri perfaqesohen, por thjesht duhen ndihmuar!

Fatkeqesiht, duhet te pranoj, qe shqiptaret me te cilet une komunikoj, nuk jane njerezit te cilet me bejne patjeter krenar per popullin tim. Ndjehem fajtor per veten time, qe nuk kam mundesine te zgjedh njerzit me te cilet komunikoj. Ndjehem fajtor qe nuk mund te nderroj mendimet e ketyre njerezeve (ose e kunderta, t’i lejoj ata te me nderrojne mua mendimet).

Megjithate, se fundmi jemi te lire te shprehemi ashtu sic duam, pavarsisht se shpesh here i perkasim nje frekuence te ndryshme nga ajo qe njerezimi emeton.

Numri i llogarise bankare per te ndihmuar keta NJEREZ gjendet kollaj ne internet. Shpresoj qe shume prej nesh te kene patur mundesine per te kontribuar.

Fatos Nano largohet!

2005-09-02T09:33:00.000-07:00

Sot ne mengjes po lexoja disa nga gazetat shqiptare on-line! Pothuajse te gjitha kishin si kryartikull doreheqjen e Fatos Nano si kryetar nga Partia Socialiste! Me te vertete nje lajm interesant! Te gjithe e shikonin kete gje si nje veprim pozitiv per politiken shqiptare! Besoj se dicka do te ndryshoje ne mentalitetin e shqiptareve, pavarsisht se jemi mesuar me vajte-ardhjet e Fatos Nanos, me doreheqjet e tij dhe rikthimet spektakolare.

Disa gazeta shprehnin gezimin se kjo gje do t'i ndodhe dhe Berishes pas 4 vjetesh. Megjithate ajo qe nuk para vura re ne artikujt e gazetave ishte dicka tjeter! Valle Nano dhe Berisha jane vene me force ne krye te partive qe drejtojne? Jo! Perkundrazi ata jane zgjedhur legjitimisht ne kongreset e partive te tyre! Sa korrekte kane qene keto kongrese eshte nje ceshtje, zgjidhjen e se ciles duhet ta kerkojme tek vetja (ose tek ata qe i kane zgjedhur ata). Nano dhe Berisha ne keto 15 vite me shume se merita patriotike, besoj se kane pasur meriten per te manipuluar rregullisht elektoratin e partise se tyre, por edhe ate te partive te tjera! Keta jane dy njerezit qe kane ditur te luajne me cdo kundershtar te tyre brenda dhe jashte partise dhe pavarsisht kesaj, paradoksalisht, jane dy njerezit per te cilet populli ze be akoma si ne kohen e Enver Hoxhes! Me ka rene rasti te degjoj shprehje te tilla si: O Sali marrsh nga ditet e mija! O Fatos t'u befte dita 1000! etj. Sot u largua (ndoshta perkohesisht) nga politika Fatos Nano! Pas 4 vjetesh ndoshta do te largohet dhe Sali Berisha! Por valle me ata qe i votuan cfare do te ndodhe? C'do te ndodhe me ata qindra-mijera njerez qe deri dje mbushnin sheshet me thirje dhe brohoritje te cilat do t'i kishte zili dhe politikani me popullor ne cfaredo vendi qofte? A do te largohen mendimet e tyre qe per kaq kohe mbeshteten sot nje njeri qe eshte i detyruar te jape doreheqjen? Valle a do te ndryshoje mentaliteti i ketyre njerezve apo do te vrapojne perseri per te gjetur nje idhull te ri? Nuk besoj se Fatos Nanot dhe Sali Berishat do te largohen nga Shqiperia, deri sa vete populli te kuptoje qe ajo per te cilen ai ka nevoje nuk eshte ndryshimi i emrave te atyre qe udheheqin, por ndryshimi i mentalitetit. Fatkeqsisht as Fatosi e as Saliu nuk do te largohen ndonjehere nga politika. Fatkeqsisht ata do te jene ketu, deri ne diten kur njerezit te kuptojne qe duhet t'i nxjerrin ata nga vetja e tyre dhe te fillojne e te mendojne me shume per Shqiperine.

Miresevini!

2005-09-01T09:05:00.000-07:00

Sot krijohet dhe nje blog tjeter i ri kushtuar vendit te shqiponjave, Shqiperise sone te dashur! Ne kete blog, do te postoj mendimet e mija mbi cdo gje qe ndodh ne Shqiperi apo ne boten e huaj dhe qe ka lidhje me Shqiperine! Jo ne te gjitha rastet cfare do te shkruaj paraqesin mendimet e mija perfundimtare per nje problem apo ngjarje. Shpesh here do te shkruaj per te kerkuar me te miren dhe per te bere ate qe duhet bere, per te nxitur dhe mbeshtetur mendime te tjera konstruktive per Shqiperine. Miresevini ne albeagle, bolg-u ku te gjithe mund te bejme dicka per Shqiperine.